வட மாகாணப் பண்பாட்டலுவல்கள் அலகின் அனுசரணையுடன், காரைநகர்ப் பிரதேச செயலகமும் கலாசாரப் பேரவையும் இணைந்து நடத்திய பண்பாட்டுப் பெருவிழா – 2026, 2026.09.22 ஆம் திகதி காரைநகர் இந்துக் கல்லூரியின் பிரதான மண்டபத்தில் சிறப்பாக நடைபெற்றது.
கலாசாரப் பேரவைத் தலைவரும், பிரதேச செயலாளருமான திருவாட்டி. நவரத்தினம் ரஞ்சனா அவர்களின் தலைமையில் நடைபெற்ற இந்நிகழ்வில், காரைநகர்க் கலைஞர்கள், கலை ஆர்வலர்கள், ஏனைய திணைக்கள உத்தியோகத்தர்கள், பொதுமக்கள் மற்றும் பிரதேச செயலக உத்தியோகத்தர்கள் உள்ளிட்ட பலதரப்பினரும் கலந்துகொண்டனர்.
இந்நிகழ்வின் பிரதம விருந்தினராக யாழ்ப்பாண மாவட்ட செயலாளர் உயர் திரு. மருதலிங்கம் பிரதீபன் அவர்களும், சிறப்பு விருந்தினர்களாக யாழ்ப்பாணப் பல்கலைக்கழக தமிழ்த்துறை மேனாள் தலைவர் பேராசிரியர் கிருஸ்ணபிள்ளை விசாகரூபன் அவர்களும், வடக்கு மாகாணப் பண்பாட்டலுவல்கள் அலகின் பிரதிப் பணிப்பாளர் திருமதி தர்சினி நிதர்சன் அவர்களும் கலந்துகொண்டனர்.
கௌரவ விருந்தினர்களாக யாழ்ப்பாண மாவட்டச் செயலக சிரேஷ்ட கலாசார உத்தியோகத்தர் திருமதி கிருஸ்ணானந்தன் மாலினி, இளங்கலைஞர் திரு. சற்குணநாதன் சத்தியராஜ் மற்றும் முதுகலைஞர் திரு. தி. திருநாவுக்கரசு பிரபாகரன் ஆகியோர் கலந்துகொண்டனர்.
பண்பாட்டுப் பெருவிழா, வடமாகாணத்தில் உள்ள மிகப்பெரிய பேரிகைகளில் ஒன்றான, காரைநகர் பிரதேசத்திற்கே உரித்தான பேரிகை முழக்கத்துடன், சந்திரப்பிரியன் குழுவினரின் மங்கல வாத்தியமும் இணைந்து ஒலிக்க, சிறப்பாக ஆரம்பமானது. இதனைத் தொடர்ந்து சத்தியன் குழுவினரின் குதிரையாட்டமும், அத்தி நடனக் கலைமன்ற அங்கத்தவர்களின் கரகாட்டம் மற்றும் வேடப்புனைவுகள் இடம்பெற்றதுடன், கலாசார மத்திய நிலையம் மற்றும் அறநெறிப் பாடசாலை மாணவர்களின் கும்மி, கோலாட்டம், ஒயிலாட்டம், மயிலாட்டம், காவடி உள்ளிட்ட பல்வேறு கலை ஆற்றுகைகளும் இடம்பெற்றதுடன், எமது பிரதேச பண்பாட்டை வெளிப்படுத்தும் வகையில் பொது அமைப்புக்களினால் ஊர்திகளும் சிறப்பான முறையில் ஒழுங்குபடுத்தப்பட்டிருந்தன.
இதனைத் தொடர்ந்து விருந்தினர்கள் வலந்தலை வளைவிலிருந்து அழைத்து வரப்பட்டு, இடையே மடத்துக்கரை அம்மன் ஆலயத்தில் வழிபாடுகள் இடம்பெற்று, அம்மனின் அருட்கடாட்சங்களைப் பெற்ற பின்னர் இந்துக் கல்லூரியின் பிரதான மண்டபத்திற்கு அழைத்து வரப்பட்டனர்.
தொடர்ந்து மங்கல விளக்கேற்றும் நிகழ்வு இடம்பெற்றதுடன், பிரதேச கலைஞர்களால் தமிழ்த்தாய் வாழ்த்தும் இசைக்கப்பட்டது. கலாசார பேரவைப் பொருளாளர் திரு. தி. பிரபாகரன் அவர்களால் “கதிரமலை அருமைநாயகம் அரங்கு” திறப்புரை நிகழ்த்தப்பட்டதைத் தொடர்ந்து, கிழவன்காடு கலாமன்ற மாணவர்களின் வரவேற்பு நடனம் மற்றும் குழு இசை நிகழ்வுகள் இடம்பெற்றன.
இதனைத் தொடர்ந்து உதவிப் பிரதேச செயலாளர் திரு. பா. முகுந்தன் அவர்களால் வரவேற்புரை நிகழ்த்தப்பட்டது.
பண்பாட்டுப் பெருவிழாவில் அத்தி நடனக் கலைமன்ற கலைஞர்களின் பக்திப் பாடல்கள், கலைஞர் சி. பிரசாந்தன் அவர்களின் நாட்டிய நிருத்தியம், கலாசார மத்திய நிலைய மாணவர்களின் கிராமியப் பாடல்கள் மற்றும் ஒயிலாட்டம், பிரதேச செயலக உத்தியோகத்தர்களின் கிராமியக் கதம்பம் மற்றும் தெய்வீக கானங்கள், திருநாவுக்கரசு நுண்கலை மன்ற மாணவர்களின் வாத்திய சங்கமம், இலவசக் கல்வி இளையோர் அமைப்பின் மாணவர்களால் நமது பண்பாட்டுப் பாரம்பரியங்கள் மறைந்து போவதற்கான காரணங்களை எடுத்துக்காட்டும் குறியீட்டு நடனம் உள்ளிட்ட பல்வேறு கலை நிகழ்வுகள் சிறப்பாக இடம்பெற்றன.
பண்பாட்டுப் பெருவிழாவின் பிரதான அம்சமான “கலைமுகை” மற்றும் “கலைஞானச்சுடர்” விருதுகள் வழங்கும் நிகழ்வு விழாவின் முக்கிய நிகழ்வாக அமைந்தது.
இவ்வருடம் காரைநகர் பிரதேசத்தின் நடனக் கலைத்துறைக்கு ஆற்றிய சிறப்பான சேவையைப் பாராட்டி திருமதி ரா. சிவநிறஞ்சனா அவர்களுக்கும், ஓவியக் கலைத்துறைக்கு ஆற்றிய சிறப்பான சேவையைப் பாராட்டி திரு. தி. திருக்குமரன் அவர்களுக்கும் கலைமுகை விருது வழங்கப்பட்டது.
அதேவேளை, கிராமியக் கலைத்துறைக்கு ஆற்றிய சிறப்பான சேவையைப் பாராட்டி திரு. நடராசா தங்கராசா அவர்களுக்கும், நாடகத்துறைக்கு ஆற்றிய சிறப்பான சேவையைப் பாராட்டி திரு. இரத்தினம் தவராசா அவர்களுக்கும் கலைஞானச்சுடர் விருது வழங்கிக் கலைஞர்கள் கௌரவிக்கப்பட்டனர்.
சிறப்பு விருந்தினர் பேராசிரியர் கிருஸ்ணபிள்ளை விசாகரூபன் அவர்கள் உரையாற்றுகையில் நடைபெற்றுக்கொண்டிருக்கும் ஒவ்வொரு நிகழ்வும் காரைநகர் பிரதேசத்தின் கலை கலாசாரப் பண்பாட்டினை பிரதிபலிப்பதாகவுள்ளதாகத் தெரிவித்திருந்தார்.
தொடர்ந்து பிரதம விருந்தினர் உயர்திரு. மருதலிங்கம் பிரதீபன் அவர்கள் தனது உரையில் எமது கலை, கலாசார, பண்பாட்டு அடையாளங்களை அடுத்த தலைமுறையினருக்கு கையளிப்பதற்கான ஒரு வழிவகையாகவே இப்பண்பாட்டுப் பெருவிழா இன்று மிகச் சிறப்பாக நடைபெறுகின்றது. அத்துடன் காரைநகர்ப் பிரதேசத்தின் கலை வடிவங்கள் ஊர்வலத்துடனும், ஊர்திப் பவனியுடனும் மற்றும் மேடை நிகழ்வுகள் மூலமும் ஆற்றுகைப்படுத்தப்பட்டிருந்தமையை அவதானிக்கக்கூடியதாவும், அழைப்பிதழ் வடிவமைப்பிலிருந்து விழாவிற்கு அழைத்த முறைகூட தமிழர் பாரம்பரியத்தை பறைசாற்றும் விதமாக இருந்ததாகவும், அரங்க, மண்டப அலங்காரங்கள் இயற்கையான பொருட்களைப் பயன்படுத்தி அலங்கரிக்கப்பட்டுள்ளமை மிகவும் சிறப்பானதாக உள்ளதாகவும் தெரிவித்தார்.
மேலும், பிரதேச மட்ட கலைமன்றங்களுக்கு இடையிலான கலை ஆக்கப் போட்டிகள் மற்றும் தேசிய கலை இலக்கியப் போட்டிகளில் வெற்றிபெற்ற மாணவர்களுக்கும் பரிசில்கள் வழங்கி வைக்கப்பட்டன.
கடந்த வருடப் பண்பாட்டுப் பெருவிழாவில் உள்ளூர் கலைஞர்கள் மற்றும் எழுத்தாளர்களின் கலைப் படைப்புகள் காட்சிப்படுத்தப்பட்டிருந்த நிலையில், இவ்வருடப் பண்பாட்டுப் பெருவிழாவில் உள்ளூர் உற்பத்தியாளர்களின் உற்பத்திப் பொருட்கள் காட்சிப்படுத்தப்பட்டதுடன், விற்பனையும் இடம்பெற்றது.
காரைநகர் பிரதேசத்தின் பாரம்பரியக் கலை வடிவங்களையும், உள்ளூர் கலைஞர்களின் திறமைகளையும் பல்வேறு வடிவங்களில் வெளிக்கொண்டு வந்துள்ள இவ்வருட பண்பாட்டுப் பெருவிழா, காரைநகரின் பண்பாட்டு மரபையும் கலை வளத்தையும் எடுத்துக்காட்டும் வகையில் அமைந்தது.
இந்நிகழ்வு கலாசார உத்தியோகத்தரின் நன்றியுரையுடன் இனிதே நிறைவடைந்தது
விலைமனுக் கோரல்
*************************
எமது பிரதேச செயலகப் பிரிவிலுள்ள கசூரினா சுற்றுலா அபிவிருத்தித் திட்டம்- 2025/2026 இன்கீழ் வெளிநாட்டு அலுவல்கள், வெளிநாட்டு வேலை வாய்ப்பு மற்றும் சுற்றுலாத்துறை அமைச்சினால் மேற்க்கொள்ளப்படவுள்ள 40 மில்லியன் ரூபா வேலைத் திட்டங்களுக்கான விலை மனுக்கள் 05.08.2026 புதன் கிழமை Daily News ஆங்கிலப் பத்திரிகையில் (பக்கம் 24) பிரசுரிக்கப்பட்டுள்ளது.
வீடமைப்புத் திட்டம் 2025 பயனாளிகள் தெரிவு வீடமைப்புத் திட்டம் 2025 பயனாளிகள் தெரிவு
நகர அபிவிருத்தி, நிர்மாணிப்பு மற்றும் வீடமைப்பு அமைச்சினால் 2025 ம் ஆண்டு எமது செயலக பிரிவில் வீட்டுத் திட்டத்தை நடைமுறைப்படுத்துவதற்காக ரூபா 01 மில்லியன் பெறுமதியான 10 வீடுகள் ஒதுக்கீடு செய்யப்பட்டுள்ளது. இப் பயனாளிகளை தெரிவு செய்வதற்காக எமது பிரிவில் வீடு தேவையானோர் பட்டியல் Housing Master List இருந்து புள்ளியிடலின் அடிப்படையில் வீட்டுத் திட்டத்திற்கான அடிப்படைத் தகமைகள் மற்றும் தெரிவுக்கான நியதிகளின் அடிப்படையில் பெற்ற புள்ளிகளினை கொண்டு 10 பயனாளிகள் தெரிவு செய்யப்பட்டுள்ளன. அவற்றின் முழுமையான விபரம் இத்துடன் இணைக்கப்பட்டுள்ளது. இத் திட்டத்திற்காக தெரிவு செய்யப்பட்ட பயனாளிகள் பிரதேச செயலகம் மற்றும் தெரிவு செய்யப்பட்ட கிராம அலுவலர் பிரிவுகளில் காட்சிப்படுத்தப்பட்டுள்ளது. இத் தெரிவு தொடர்பாக ஏதேனும் முறைப்பாடுகள் இருப்பின் எழுத்து மூலம் 07.03.2025 திகதிக்கு முன்னதாக பிரதேச செயலக வரவேற்பு கரும பீடத்தில் வைக்கப்பட்டுள்ள வீட்டுத் திட்டத்திற்கான முறைப்பாட்டு பெட்டியில் செலுத்த முடியும். இத் திகதிக்கு பின்னர் கிடைக்கப் பெறும் முறைப்பாடுகள் எவையும் பரிசீலனைக்கு எடுத்துக் கொள்ளப்படமாட்டாது என்பதனையும் அறியத்தருகின்றேன்.
(குறிப்பு - இப்பட்டியல் இறுதியானது அல்ல, முறைப்பாட்டின் பின்னராக மீளாய்வு செய்து இறுதி செய்யப்படும் )
பிரதேச செயலாளர், பிரதேச செயலகம், காரைநகர்
நகர அபிவிருத்தி, நிர்மாணிப்பு மற்றும் வீடமைப்பு அமைச்சினால் 2025 ம் ஆண்டு எமது செயலக பிரிவில் வீட்டுத் திட்டத்தை நடைமுறைப்படுத்துவதற்காக ரூபா 01 மில்லியன் பெறுமதியான 10 வீடுகள் ஒதுக்கீடு செய்யப்பட்டுள்ளது. இப் பயனாளிகளை தெரிவு செய்வதற்காக எமது பிரிவில் வீடு தேவையானோர் பட்டியல் Housing Master List இருந்து புள்ளியிடலின் அடிப்படையில் வீட்டுத் திட்டத்திற்கான அடிப்படைத் தகமைகள் மற்றும் தெரிவுக்கான நியதிகளின் அடிப்படையில் பெற்ற புள்ளிகளினை கொண்டு 10 பயனாளிகள் தெரிவு செய்யப்பட்டுள்ளன. அவற்றின் முழுமையான விபரம் இத்துடன் இணைக்கப்பட்டுள்ளது. இத் திட்டத்திற்காக தெரிவு செய்யப்பட்ட பயனாளிகள் பிரதேச செயலகம் மற்றும் தெரிவு செய்யப்பட்ட கிராம அலுவலர் பிரிவுகளில் காட்சிப்படுத்தப்பட்டுள்ளது. இத் தெரிவு தொடர்பாக ஏதேனும் முறைப்பாடுகள் இருப்பின் எழுத்து மூலம் 07.03.2025 திகதிக்கு முன்னதாக பிரதேச செயலக வரவேற்பு கரும பீடத்தில் வைக்கப்பட்டுள்ள வீட்டுத் திட்டத்திற்கான முறைப்பாட்டு பெட்டியில் செலுத்த முடியும். இத் திகதிக்கு பின்னர் கிடைக்கப் பெறும் முறைப்பாடுகள் எவையும் பரிசீலனைக்கு எடுத்துக் கொள்ளப்படமாட்டாது என்பதனையும் அறியத்தருகின்றேன்.
(குறிப்பு - இப்பட்டியல் இறுதியானது அல்ல, முறைப்பாட்டின் பின்னராக மீளாய்வு செய்து இறுதி செய்யப்படும் )
பிரதேச செயலாளர், பிரதேச செயலகம், காரைநகர்
வட மாகாண பண்பாட்டலுவல்கள் அலகின் அனுசரணையுடன் காரைநகர் பிரதேச செயலகமும் கலாசார பேரவையும் இணைந்து நடாத்திய பிரதேசப் பண்பாட்டுப் பெரு விழாவானது பிரதேச செயலாளர் செல்வி.ந.ரஞ்சனா அவர்களின் தலைமையில் 2025/8/14 ஆம் திகிதி காலை 9.30 மணியளவில் காரைநகர் இந்துக்கல்லூரி மண்டபத்தில் நடைபெற்றது.இந் நிகழ்வில் பிரதம விருந்தினராக வட மாகாண கௌரவ ஆளுநர் உயர்திரு நா.வேதநாயகன் ஐயா அவர்களும்,சிறப்பு விருந்தினர்களாக யாழ் மாவட்டச் செயலகத்தின் மேலதிக அரசாங்க அதிபர் திரு .கை.சிவகரன் அவர்களும் யாழ்ப்பாண பல்கலைக்கழகத்தின் மேனாள் பேராசிரியர் எஸ்.சிவலிங்கராசா அவர்களும் கௌரவ விருந்தினர்களாக முது கலைஞர் திரு.சு.தர்மலிங்கம் அவர்களும் இளங்கலைஞர் திரு.நா.பிரபாகரன் அவர்களும் ,ஏனைய திணைக்கள உத்தியோகத்தர் ,பிரதேச செயலக பதவிநிலை உத்தியோகத்தர்கள், ஏனைய உத்தியோகத்தர்கள், பிரதேச கலைஞர்கள் மற்றும் பிரதேச மக்கள் அனைவரும் கலந்து கொண்டார்கள்.இந் நிகழ்வில் காரைநகர் பிரதேச பண்பாடுகளைப் பிரதிபலிக்கும் பாண்பாட்டு ஊர்திகளும் கலைநிகழ்வுகளும் சிறப்பாக நடைபெற்றது.
2025 ஆம் ஆண்டிற்கான அலுவலக கடமைச் செயற்பாடுகள் எமது பிரதேச செயலாளர் செல்வி.ந.ரஞ்சனா அவர்களின் தலைமையில் தேசிய கொடியேற்றப்பட்டு தேசிய கீதம் இசைத்தலுடன் ஆரம்பித்து வைக்கப்பட்டது. அதனைத் தொடர்ந்து நாட்டிற்காக உயிர்த்தியாகம் செய்த அனைவரையும் நினைவு கூர்ந்து 2 நிமிட மௌன அஞ்சலி செலுத்தப்பட்டது.
Clean Sri Lanka தேசிய நிகழ்ச்சி திட்டத்துடன் இணைந்ததாக சத்தியப்பிரமாணம் செய்யப்பட்டதுடன், ஜனாதிபதி செயலகத்தில் நடைபெற்ற Clean Sri Lanka நிகழ்ச்சி திட்டத்தினை ஆரம்பித்து வைக்கும் நிகழ்வு இலத்திரனியல் அலைவரிசை மூலம் நேரடியாக எமது அலுவலர்கள் பார்வையிடும் வண்ணம் ஒலி, ஒளிபரப்பு செய்யப்பட்டது.
அதனைத் தொடர்ந்து பிரதேச செயலாளர் உரை மற்றும் பதவிநிலை உத்தியோகத்தர்களது வாழ்த்து உரை மற்றும் உத்தியோகத்தர்களின் கலைநிகழ்வுகளும் இடம்பெற்றது.
 |
 |
 |
 |
 |
 |
 |
 |
 |
වෙනත් ප්රාදේශීය ලේකම් කාර්යාල
ප්රධාන මෙනුව
අප හා සම්බන්ධවන්න
ප්රාදේශීය ලේකම් කාර්යාලය,
කාරඉනගර්,
ජාපනය
ශ්රී ලංකාව.
+94 21 221 1725
info@karainagar.ds.gov.lk